夏日BO一BO

早上回公司，桌子上的物件又有被翻動的蹟像。

（又係爆晒粗的文，不建議未成年者觀看。）

我這個post在公司一向不受重視，別人入職第一天就有電子staff badge，我就簽了成個月出席簿，還要不斷催逼人事部跟IT部的同事，才好不容易出了一張沒照片的staff badge。轉了post成兩個月，contract亦未改title，不過這些都是小事了。

入職三個多月，公司還未搞MPF的事宜，今個月去人事部出糧時，他反問我：「乜你要供MPF的嗎？」有冇搞錯？我以前在漫畫王做PT賺千零蚊一個月的時候，公司也有幫我供MPF啊！雖然現在是半職，也不致於連MPF也沒有吧？大家都三千幾蚊一個月，但清潔阿姐都有MPF啦！我連阿姐都不如啊！

全公司的電腦都有set　password，就是我用的那部沒有。這一點可以理解，畢竟我是個半職，假如下午有人會用到這部電腦的話，set了password會很不方便。但也不要連話也不說一聲就用了我部腦，然後還要改我的setting跟版面啊！這樣子真的很不專重。

Fine，你瞧不起我是個半職，那就不要留下前一天下午的工作給我做，不要限制我的dressing code，不要這時候就跟我說：「雖然你只做half-day，但我expect你有全職的工作表現……」真係屌！

dept head還要是個好像月頭月中月尾都M到的女人，幸好我不是她最愛屌的人（隔離位的女仔就試過企o係個位俾佢屌足半粒鐘），但也時跑過來阻住你工作，然後懶係教你做o野咁講一D你十九幾萬年前已經知道的事。你在做A，她就問你怎麼不做B，你在做B，她就問你怎麼不做A？燥就飲下靜心啦～

D仆街慣了搵你幫手影印釘洞做filing，真係影印一張紙或釘一份文件都叫你做，成日話趕話urgent。喂！我都有好多sales data等住要entry！我都有重要同urgent的事要做！不是你們專屬的釘書機影印機！上星期病了兩天，返到來班仆街真係儲埋D文件等你影印同釘！屌！真係咁趕就自己做啦！

今天一朝回來，就見部腦開多了一個叫admin的acc，本來都冇事，但我acc裡的MSN就俾人鏟走了。屌！成公司的人都MSN，你就係走來鏟我o個個，你覺得我玩MSN影響工作咪出聲囉！唔好靜雞雞郁人o地Ｄ o野，咁樣好小家～屌！家下邊日唔係做晒D野先走？我半職o黎咋，連OT都冇o架！

真係做到心淡，本來這兒也有這兒的優點，但今次我真係頂唔順囉～搵到工即走！